ಹಣದುಬ್ಬರ

ಮಾನವನ ಜೀವನ ಮುಳುಗಿದೆ ಹಣದ ಭರದಲ್ಲಿ

ಹಣ ತುಂಬಿ ತುಳುಕುತ್ತಿದೆ ಸಾಗರದ ರಭಸದಲ್ಲಿ

ಸಿರಿವಂತರ ಹಣದ ಬಳಕೆಯ ರೀತಿ

ಇದು ಬಡವರ ಪಾಲಿಗೆ ಬಾಳಿನ ಭೀತಿ

ಹಣವಿದ್ದರೆ ಆಗುವನು ಸಕಲ ಭಾಗ್ಯ ಸತ್ಪಾತ್ರ

ಇಲ್ಲದಿದ್ದರೆ ಹಿಡಿಯುವನು ಚಿಂತೆಯೆಂಬ ದುರ್ಭಗ್ಯದ ಪಾತ್ರ

ವಸ್ತುಗಳ ಬೆಲೆ ಏರಿಕೆ ಹಾರಡುತಿದೆ ಬಾನಾಡಿನಲಿ             

ಬಿಸಿ ಏರುತಿದೆ ಬಡವರ ನರನಾಡಿಗಳಲಿ                        

ಮಾನವನ ಜೀವನಕ್ಕೆ                                      ಅವಶ್ಯವಾಗಿರಬೇಕು ಕಾಂಚನ

 ಹಣ ಇಲ್ಲದೆ ಆಗುವುದು ಅವನ ಬಾಳು ಹರಣ

                                                                      ಜೀವನ ಎಂಬ ಮಂತ್ರ ಅಡಗಿದೆ  ಹಣದಲ್ಲಿ                                                                       

                                                                              ಅದನ್ನು ನಡಿಸಿಕೊಂಡು ಹೋಗುವ ತಂತ್ರ ನಮ್ಮಲಿರಲಿ||

 

ಸೌಮ್ಯ ಜೋಷಿ,

ಇಂಜಿನಿಯರಿಂಗ್ ವಿದ್ಯಾರ್ಥಿನಿ,

ಎಸ್.ಎಲ್.ಏನ್. ಕಾಲೇಜು ,

ರಾಯಚೂರು

                                                                                                  ಕವಯತ್ರಿ

ಶೀಘ್ರದಲ್ಲಿ ನಗಾರಿ ನಾದ.....

       ಮನದಾಳದ ತವಕಕ್ಕೆ, ಹಲವು ವರ್ಷಗಳ ಯೋಚನೆಗೆ  ಈಗ ಕೂಡಿದೆ ಸಮಯ, ಹೂಡುತಿದೆ ಯೋಜನೆ. ಅಂತರ್ಜಾಲದಲ್ಲಿ ಕನ್ನಡದ ಸವಿನುಡಿಯ ಸೊಬಗ ಬೆಳಗಿಸಲು, ಉಸಿರನ್ನು ಹಸಿರಾಗಿಸುವ ಚಿಂತನೆಗೆ  “ನಗಾರಿ”ಯ ನಾದದ  ಜೇಂಕಾರ ಇನ್ನೂ ಎರಡೇ ದಿನದಲ್ಲಿ  ಅಂತರ್ಜಾಲವ ಪ್ರವೇಶಿಸಲಿದೆ.

         
        ಮನದಾಳದ ಮಾತಿಗೆ “ಅಂತರಂಗದ ಮೃದಂಗ”, ಬಾಲರ ಚಿಲಿಪಿಲಿ ನಾದಕ್ಕೆ “ಮಕ್ಕಳ ಧ್ವನಿ”, ಸಾಧನೆಯ ಅಭಿವ್ಯಕ್ತಿಗೆ “ಶಿಕಾರಿ”, ಕನ್ನಡದ ಮೊಜಲುಗಳಿಗೆ “ಹೊಂಗಿರಣ”, ಇನ್ನು ಅನೇಕ ಅಂಕಣಗಳನ್ನು  ಹೊತ್ತುಬರುತ್ತಿರುವ ಈ ನಗಾರಿ ನುಡಿಲೋಕಕ್ಕೆ ನಿಮ್ಮೆಲ್ಲರ ಸಹಕಾರ ಅತ್ಯಗತ್ಯ ....

                          ಶೀಘ್ರದಲ್ಲಿ ನಗಾರಿ ಶ್ರುತಿ ಕೇಳಿಸುವೆ...

       - ಮನಿ